(ЗӨВЛӨХ ҮЙЛЧИЛГЭЭ – ХУУЛИЙН ЭТГЭЭД)

2023/09/28-ны өдөр

Захиалагч: “ЭРДЭНЭС СИЛВЕР ЕСУРС” ХХК

Зөвлөх үйлчилгээний нэр: Лабораторийн ажил

1. “Эрдэнэс силвер ресурс” ХХК нь Салхитын мөнгө-алтны ордын “Зүүн” эрлийн талбай, Баруун-1, Баруун-2 эрлийн талбайнуудад гүйцэтгэх геологи хайгуулын ажлын үед хийгдэх лабораторийн шинжилгээний ажлыг хэрэгжүүлэх зорилгоор зөвлөх үйлчилгээний гэрээ байгуулах гэж байгаа тул зөвлөхийн үйлчилгээ үзүүлэх хүсэлтэй хуулийн этгээдийг мэдүүлгээ ирүүлэхийг урьж байна.

2. Энэхүү зөвлөх үйлчилгээ нь дээрх эрлийн талбайнуудад хийгдсэн сорьцлолтыг үнэн бодитой, түргэн шуурхай шинжилж тогтоох болно.

3. Захиалагч тухайн зарын дагуу саналаа ирүүлсэн хуулийн этгээдүүдийн (холбогдох хуулийн дагуу шаардлага хангасан) нэрсээс бүрдсэн дэлгэрэнгүй жагсаалтыг гаргана. Зөвлөх нь уг үйлчилгээг гүйцэтгэх чадвартайг нотлох мэдээллийг ирүүлнэ. Зөвлөх хуулийн этгээд нь “ТӨРИЙН БОЛОН ОРОН НУТГИЙН ӨМЧИЙН ХӨРӨНГӨӨР БАРАА, АЖИЛ, ҮЙЛЧИЛГЭЭ ХУДАЛДАН АВАХ ТУХАЙ” хуулийн 14-16 дугаар зүйлийн шаардлагуудыг хангасан байх. Үүнд:

- Улсын бүртгэлийн гэрчилгээ, нийгмийн даатгал, татварын тодорхойлолт ирүүлэх шаардлагагүй бөгөөд “Төрийн мэдээлэл солилцооны ХУР систем”-ээр дамжуулан шалгана;

- Химийн бодис ашиглах тусгай зөвшөөрөл;

- Монгол Улсын хуулийн дагуу татвар, хураамж, төлбөрөө тухайн тендер нээсэн өдрийн байдлаар бүрэн төлсөн, өр төлбөргүй байх шаардлагатай;

- Шүүхийн тусгай архивын лавлагаа, Шүүхийн шийдвэр гүйцэтгэх газрын тодорхойлолтыг цахим хэлбэрээр авна; (хэрэв дээрх тодорхойлолтуудыг цахимаар ирүүлээгүй тохиолдолд тендерээс татгалзах үндэслэл болно);

- Харилцагч банкны хугацаа хэтэрсэн зээл болон зээлийн хүүгийн өргүй тодорхойлолтыг ирүүлнэ;

- 2020, 2021, 2022 онуудын санхүүгийн хураангуй тайлан, аудитын дүгнэлтийн хамт ирүүлнэ; 2020, 2021, 2022 онуудын аль нэг жилийн борлуулалтын орлого тухайн батлагдсан төсөвт өртгийн үнийн дүнгийн 30 хувиас багагүй байх ба он тус бүр ашигтай ажилласан байна;

- Боловсон хүчний чадавхын талаарх мэдээлэл (багийн ахлагч, голлох мэргэжилтэн болон багийн гишүүд гэх мэт; нийт ажилтнуудын 70 хувиас багагүй нь тухайн байгууллагын үндсэн ажилтан байна.

4. Чадварыг нэмэгдүүлж сайжруулах зорилгоор зөвлөхүүд түншлэлийн хэлбэрээр оролцож болно.

5. Сонирхсон этгээд нэмэлт мэдээллийг 2023 оны 10 дугаар сарын 06-ны өдрийн 11:00 цагаас өмнө авч болох бөгөөд мэдүүлгээ цахим худалдан авах ажиллагааны нэгдсэн систем www.tender.gov.mn хаягаар 2023 оны 10 дугаар сарын 09-ны өдрийн 11:00 цагийн дотор ирүүлнэ үү.

“Эрдэнэс Силвер Ресурс” ХХК  Улаанбаатар хот, Сүхбаатар дүүрэг, 1-р хороо,

Блю Скай Тауэрийн 6 давхрын 607  Утас: 75351111-1050