Silver Tokyo/ 97.30   +2.20 +2.31% Gold Tokyo/ 6522.00   +90.00 +1.40% Silver (Comex)/ 27.77   +0.41 +1.48% Gold (Comex)/ 1854.40   +16.30 +0.89% Silver Spot/ 27.69   +0.27 +0.98% Silver/Euro Spot/ 22.83   +0.25 +1.10% Silver/British Pound Spot/ 19.67   +0.21 +1.10% Silver/Japanese Yen Spot/ 3029.58   +30.99 +1.03% Silver/Indian Rupee Spot/ 2028.30   +18.73 +1.04% Gold Spot/ 1854.92   +11.49 +0.62% Gold/Euro Spot/ 1529.25   +11.26 +0.74% Gold/British Pound Spot/ 1317.02   +9.07 +0.69% Gold/Japanese Yen Spot/ 202808.81   +1159.75 +0.58% Gold/Indian Rupee Spot/ 135868.63   +755.34 +0.56%
Мэдээ
САЛХИТЫН ХААЛТЫН МЕНЕЖМЕНТИЙН ТӨЛӨВЛӨГӨӨ БОЛОВСРУУЛАХ ЖИШИГ ТӨСӨЛ: ГОЛ ОРОЛЦОГЧ ТАЛУУДЫН СҮҮЛИЙН УУЛЗАЛТ

Салхитын уурхайн хаалтын төлөвлөгөө боловсруулах жишиг төслийн гол оролцогч талуудын сүүлийн уулзалтыг амжилтай зохион байгуулж жишиг төслийн явц, үр дүнгийн талаар мэдээлэл өглөө. Төсөл хэрэгжилтийн сүүлийн улиралд төлөвлөсөн чухал ажлууд болох хаалтын зардал тооцоолол болон хяналт мониторингийн хүрээг боловсруулсан аргачлал ба үр дүнг тусгайлан танилцуулав.

Хаалтын зардал тооцоолол нь Салхитын ордын хаалтад зарцуулах шаардлагатай нийт мөнгөн дүнгийн талаар оролцогч талуудад танилцуулсан тэдний нэгдмэл ойлголтыг бэхжүүлэхэд чухал байв. Хаалтын зардлыг урьдчилан тооцоолох нь Эрдэнэс Силвер Ресурс (ЭСР) ХХК-ийн удирдлагын зүгээс хаалтын тусгай сан үүсгэх, байгууллагын нөөцийг үр дүнтэй хуваарилж зарцуулах талаар оновчтой шийдвэр гаргах үндэс болно. Түүнчлэн, хаалтын гүйцэтгэл, нөхөн сэргээлтийн үр дүнг үнэлэх хяналт мониторингийн хүрээг нарийвчлан боловсруулав. Энэхүү хяналт шинжилгээний хүрээнд хаалтын арга хэмжээ тус бүрийн үр дүнг тусгайлан хянах гүйцэтгэлийн үндсэн үзүүлэлтүүдийг (KPI) цогц байдлаар тодорхойлж оруулсан.

ЭСР ХХК-ийн Гүйцэтгэх захирал С.Баярмөнх хэлсэн үгэндээ “Төслийн дүнд манай инженер техникийн ажилтнуудын мэдлэг, ур чадвар ихээхэн нэмэгдэж, мэргэжлийн чадавхыг сайжруулсан. Цаашид компани явцын нөхөн сэргээлтийг эрчимжүүлэх замаар хаалтын өртөг зардлыг бууруулах, хаалтын тусгай сан бүрдүүлэх санхүүгийн арга механизмыг бий болгоход анхаарч ажиллана” гэж дурдав.

Төсөл хэрэгжилтийн турш идэвхтэй оролцож, хамтран ажилласан түнш байгууллагууд, оролцогч талуудад чин сэтгэлээсээ талархал илэрхийлж байна. Та бүхний оруулсан хувь нэмэр, зөвлөмж чиглэл төслийн хувьд чухал үнэ цэнтэй байсан бөгөөд бидний хамтын хүчин чармайлт цаашид уг хаалтын менежментийн төлөвлөгөөг албажуулах, бодитоор хэрэгжүүлэхэд ихээхэн чухал үүрэг гүйцэтгэнэ гэдэгт бид итгэлтэй байна.