Салхитын уурхайн хаалтын менежментийн төлөвлөгөө боловсруулах жишиг төслийн II үе шатны оролцогч талуудад мэдээлэл хүргэх, санал солилцох ээлжит уулзалтыг 2022 оны 11 сарын 22-ны өдөр зохион байгуулж, дараах мэдээллээр санал солилцлоо. Үүнд:
Төслийн хэрэгжилтийн явц
Хууль, эрх зүйн асуудал, лавлах хүснэлт
Хаалтын менежментийн төлөвлөгөөний агуулга
Ууррхайн хаалтад уур амьсгалын өөрчлөлтийн нөлөө,
Салхитын уурхайн газар хэлбэршүүлэлтийн зураг төслийг боловсруулж буй ажлын явцын тухай
Тус уулзалтад "Эрдэнэс Силвер Ресурс” ХХК-ийн ТУЗ-ын дарга, Гүйцэтгэх захирал болон техникийн баг, Mining Journal, МERIT төслийн баг, Канад улсын байгаль орчны зөвлөх үйлчилгээний “Си Пи Пи Энвайронмэнтал” корпораци, үндэсний зөвлөхүүдээс бүрдсэн Төлөвлөлтийн баг, Уул уурхай хүнд үйлдвэрийн яам/Ministry of Mining and Heavy Industry, Байгаль Орчин, Ногоон Хөгжил, Аялал Жуулчлалын Яам, Ашигт малтмал, газрын тосны газар, УСНЫ ГАЗАР, Мэргэжлийн Хяналтын Ерөнхий Газар, Дундговь аймаг Засаг даргын Тамгын газар, Дундговь аймгийн Байгаль орчин, Аялал жуулчлалын газрын дарга, Дундговь аймгийн Мэргэжлийн Хяналтын газар, Гурвансайхан сумын ЗДТГ, Гурвансайхан сумын ИТХ хурал зэрэг байгууллагуудын төлөөлөл оролцлоо.
УУХҮЯ болон Усны газрын төлөөлөл олон улсын туршлагаар бол уурхайг зохих ёсоор хааж чадахгүй бол уурхайг нээхгүй гэсэн зарчмыг баримталж байгаа тухай мэдэгдлээ.
УУХҮЯ-ны Уул уурхайн бодлогын газрын Техник, технологийн хэлтсийн дарга Ч.Цогтбаатар “Салхитын уурхайн хаалтын менежментийн төлөвлөгөө нь дараа дараагийн уурхайнуудын хаалтын төлөвлөгөөнд жишиг стандарт тогтоох учир өндөр ач холбогдолтой юм. Эрдэнэс Силвер Ресурс ХХК-ийн хувьд олон улсын туршлагаар хаалтын менежментийн төлөвлөгөөтэй болж байгаа нь том завшаан хэмээн онцлов.
