Геотехник нь геологийн шинжлэх ухаанд суурилсан инженерийн салбар бөгөөд барилга байгууламж, дэд бүтцийн тогтвортой байдлыг хангахад зайлшгүй шаардлагатай. Үүнээс гадна, уул уурхайн салбарт хөрс, чулуулаг, ан цав, хагарал, нуралт, гулсалтыг судлахад ч геологийн мэдлэг чухал үүрэг гүйцэтгэдэг.

- Геологи гэж юу вэ? Геологи нь дэлхийн дотоод бүтэц, гадаргын хөрс, чулуулаг болон ашигт малтмалын үүсэл, тархалтыг судалдаг шинжлэх ухаан юм. Энэ нь барилга байгууламж болон уурхайн тогтвортой байдлыг үнэлэх үндэс суурь нь болдог.

- Геотехник ба геологийн уялдаа Геотехник бол геологийн шинжлэх ухааны практик хэрэглээний нэг бөгөөд инженерийн бүтээн байгуулалтын асуудлыг шийддэг. Геологийн судалгаагүйгээр геотехникийн үнэлгээ, төлөвлөлт хийх боломжгүй.

- Бодит жишээ ба хэрэглээ Геотехник, геологийн уялдааг илүү тодорхой болгохын тулд зарим жишээг авч үзье.

Гүүр барих: Гүүрийн тулгуур багана ямар хөрс материал дээр байрлахыг судлах нь маш чухал. Хэрэв хөрс материал зөөлөн бол нэмэлт бэхэлгээ хийх шаардлагатай.

Орд газар ашиглах: Уул уурхайн олборлолт хийхээс өмнө хөрс чулуулгийн тогтвортой байдлыг судалж, нуралт, усны нөлөөллөөс хамгаалах төлөвлөлт хийнэ.

Хот төлөвлөлт: Шинэ хот, дүүрэг байгуулахдаа газар хөдлөлтийн эрсдэл, хөрсний даац, усны хангамжийг харгалзан үзэх хэрэгтэй.

Геологийн суурь мэдлэгтэй байх нь геотехникийн инженерүүдэд хөрсний механик шинж чанарыг зөв үнэлэх, ан цав хагарал, нуралт, гулсалтын эрсдэлийг урьдчилан тооцоолох, инженерийн шийдлүүдийг оновчтой гаргах зэрэг олон давуу талыг бий болгодог. Иймээс геологич мэргэжилтэй хүн геотехникийн инженер болох нь хөрс, чулуулаг, газарзүйн нөхцөл байдлыг илүү гүнзгий ойлгож, судалгаагаа өндөр түвшинд гүйцэтгэх чадвартай байдаг. Энэ нь инженерийн тооцооллыг бодит нөхцөл байдалтай нийцүүлэх, бүтээн байгуулалтын аюулгүй байдлыг хангах, байгаль орчинд үзүүлэх нөлөөллийг зөв тооцох зэрэг олон давуу талыг бий болгодог.

Эх сурвалж: Монголын Геологийн холбоо